Zurraren poltsak bi zulo

Artola, Jose

 Gizon batek dirua

 beti gorde nairik,

 ibiltzen zan gosiak,

 askotan baraurik;

 beti mordollorako

 dirua nai topa,

 bañan gorputzarentzat

 deus-ere ez opa.

 Ala, bere kaltian

 zebillen munduban;

 beste asko ibiltzen

 diraden moduban;

 noiz-bait ere gorputza

 zitzayon nekatu...

 Ara egun batez zer

 zitzayon gertatu:

 ondo-ezak arturik

 bat-batetan larri,

 enplastera bat zuben

 presaka ekarri;

 esanaz:-Deitzen badet

 nik sendakiñari,

 agiyan diru asko

 kenduko dit neri;

 eta atso zar ausen

 nola dagon trebe,

 merke sendaturikan

 neretzat det obe.

 Bañan onekiñ ara

 zer gerta zitzayon:

 erremedio charra

 onek eman ziyon,

 eta geyagoturik

 len zeukarren miña,

 ekarri bear izan

 zuben sendakiña;

 biyen artian zuten

 utzi ezur utsa,

 eta ustu, gordian

 zeukan diru kucha.

 ..................

 Gizona zurkeriyan

 darabillenian,

 gertatzen zayo bada

 ause geienian:

 gordetziagatikan

 bear aña ez jan;

 zulo batetik sartu

 bañan bitatik juan.