Uda-berriya
Artola eta Elizechea, Jose
Uda-berriyak,
bazter guziyak,
ditu ederki lorez jazten:
egun argiyak,
zoragarriyak,
era onetan dira asten;
zelai aundiyak,
intzak bustiyak,
ederrak dira agertzen;
or, marrubiyak,
guri-guriyak,
lurretik dira azaltzen;
an, gereziyak
gorri-gorriyak,
arbolak ditu ematen;
emen choriyak,
aundi, chikiyak,
asi dirade kantatzen:
nekazariyak,
guzti guztiyak
pozez dira arkitutzen;
gauza egokiyak,
Uda berriyak,
ditu, bai, mundura ekartzen.
|