Subea eta chorikumeak
Artola, Jose
Arbol baten adarran
kabicho bat zeguen,
zeñaz bertan bi edo
iru urte zeuden,
Sube bat kurpildurik
arbolen gerriyan,
choriyak achitzeko
jarri zan abiyan;
zezazkiyen gustora
zeuden guztiyak jan,
eta tripa beterik
bestera andik joan;
baña luze egonik
adarran kabiya,
eziñ irichirikan
erori zan iya;
alaz guztiz naiz arki
neke aundiyakin,
sayatu zan berriro,
indar denarekiñ;
baña iya irichi
zubenian eran,
chori guztiyak ziran
igasi joan egan.
................
Gauzak ustez seguru
izaten dirade,
subeari bezela
iñoiz guri ere;,
eta nai degunian
joan-ta egin jabe,
nekatu ta gelditzen
gera ezer gabe.
|