Subea eta beya
Artola, Jose
Sube bat sartu zan beiņ
ukullu batera,
beya non zan jakiņik
bularra eratera;
ala kurpildurikan
atzeko ankatik
errapia zupatzen
ari zan gogotik;
beyak zuben ustia
umia zeukala
ta esnia eraten
uzten ziyon ala,
baņan subeak naiko
eran ziyonian,
kozk egiņik igasi
joan zan zuzenian:
beyak oņaze gogor
ura sentiturik,
asi zan ostikoka
denak autsi nairik,
eta kulpa gabeko
chekor bat jorikan
lurrera bota zuben
korde gaberikan.
................
Askok egiten dute
sube ark bezela
gauza char bar egiņik
igas beriala;
eta gero ondoren
au oida gertatzen:
kulparikan gabiak
dubela pagatzen.
|