|
Antipas-en bazkai-ondoa
1
Makeronteko maldan
gaztelua bestan.
Heriodada eta
Antipas jostetan.
Bazkaltiar andana bat
mahain xurietan,
Jan-edan on ausarkki
baxera urhetan.
Kinorlari, xirulari,
Eta bertze soinulari,
Lot guziak musikari!
2
Sabelak bethe dira,
plat-basoak hustu.
Arno finek buruak
polliki harrotu.
Jaun-anderen bihotzak
plazerez guritu.
Antipas-ek neskatxak
dantzarat manatu.
Soinu-hotsa, dantza-hotsa
Nexkek zoin zalhu urhatsa
Buru, Salome pan posa!
3
Urriloz lilistatu
galxoin beltz hoiekin,
Larru-hasean bezain
lerden eta arin,
Uso-luma iduri
lepokoarekin,
Zer dantzari xotilak,
soa hein bat kokin...
Talendutsu, graziatsu,
Seiek segur eta usu
Hartze luzkete bi musu!
4
Bainan guzietarik
aise laketena,
Herodiada horren
alaba frikuna!
Jestuz ala behakoz
ongi dakiena
Nola amodiora
kilika gizona.
Urhats bana, urhats bina!
Pika, ebats, ta aintzina!
Hau dantzaren atsegina!
5
Hamahiru urtetan
andere Salome
Orok uste zuketen
zela nexka xume.
Bainan laster ageri
noren dagon ume:
Ematzarraren haurra
tipitikan eme!
Izaiten du konplimendu.
Nor-bederak aitortzen du
Duela merezimendu.
6
-Antipas jaun errege,
zure alabari,
Zeren den hain dantzari
zor diozu sari.
-Haurra, gait zadazu
diru, joia berri,
Edo, nahi baduzu,
erresuma-erdi!
«Ama, othoi, erradazu:
Zuri zer iduri zaitzu?
Zuk hauta, plazer baduzu.»
7
Joanes Batixtak behin
erreportxu gorri
Borthizki egin zion
Herodiadari:
«Zure koinatarekin
etzaitela bizi.
Desohorez Antipas
behar duzu utzi!»
Ematzarra dena herra
Eman zen haren aldera,
Mendekioaren beha!
8
Alabaren galdea
zuen probetxatu:
«Behar dion Joanesen
burua eskatu...
Berehala behar din
buru hori moztu,
Eta azpil batean
hunat presentatu...»
Haur xarmanta, haur pollita,
Erran horri jarraiki-ta,
Hil zuten Joanes Batixta!
9
Kartzelan burregoak
lepoa mozturik,
Burua dena odol
platean emanik,
Salomek hartu zuen
Antipas-en ganik...
Oi amaren loria,
Joanes garhaiturik!
Kinorlari, xirulari.
Lot guziak soinuari!
Ospe Joanes Batistari,
Zeruan sartu denari!
|
