Jose Maria Iparragirre-ri bere talluntzaren agerkeran

Artola, Jose

 Euskaldunaren izar argiya

 maisu osoro bikaña,

 egiñ oidezu euskaragatik

 biyotzez beste bik-aña;

 pare gabeko itz eztitsua

 manchik gabia mingaña,

 gitarchoakin beti kantari

 jo zenuben zuk goi-gaña.

 Argitaratu zenituben zuk

 soñu dontsu ta eztiyak,

 argitaratu itz neurtu eder

 doai ederrez jantziyak;

 amoriyuak biyotz gurian

 gordiak dauzka guziyak,

 iñola eziñ aska litezken

 moduan sendo josiyak.

 Argitaratu nola zenuben

 aiñ gauza eder ta aundiya,

 ala berian argitaratzen

 zaituzte lorez jantziya;

 izan zaitezen euskaldunaren

 betiko Oroimengarriya,

 eta gañera onra dezazun

 zu jayo ziñan erriya.