Esporti-Clai

Artola, Jose

 Donostiyako oitura onak

 gordetzen diran kabiya,

 errikosheme benetakuen

 choko estimagarriya;

 euskal izkeren gordelariya

 festa zalien tokiya,

 anaitasun ta paketasunen

 leku atzegingarriya.

 Kantu eta jolasak

 poztatzen gaitu

 euskal doñu ederrak

 maitatzen ditugu;

 zortziko soñu ona

 entzuten badegu,

 zar-gaztien biyotzak

 mugitzen zaizkigu.

 Pake dontsu ta poza dirala

 anaitasun ederrian,

 ori da denak senti deguna

 geren biyotz barrenian:

 kantu shamur ta doñu estiyak

 entzuten diradenian,

 zeruan bertan bezela pozez

 jartzen gera geyenian.

 Orain arte bezela

 aurrena degu nai,

 izan Donostiarrak

 zar ta gazte anai;

 umore onarekin

 kontentu ta alai;

 biyotzetik oju bat

 egin zagun gaur bai,

 deituaz... Bizi bedi

 beti Esporti-Clai