Erariya eta gizona. (Ipuia)

Artola eta Elizechea, Jose

 Erariyari ziyon

 gizon batek esan

 ia gorputzarentzat

 zer nolakua zan.

 Eranzun ziyon: "Ni naiz

 chic gustagarriya,

 edozeñi kendutzen

 diyot egarriya;

 miñtsuak ere noiz nai

 ditut nik kendutzen,

 aul samar asko ere

 badakit piskortzen;

 pobriak zenbait aldiz

 ditut pozkidatzen,

 denari on egitez

 ez naiz ni aspertzen."

 Orduan aiñ ederra

 baldin bazera zu,

 nere sabel ontara

 sartu bear dezu.

 Klak.... ara baso bat

 pasa zitzurrian,

 eta... beste bi zuben

 aren ondorian;

 andik puntura berriz

 lengo modura, sost,

 azkar pasa zituben

 beste lau edo bost;

 baña geicho izanik

 aren barrenian,

 asi zan nabarbentzen

 bere indarrian;

 bista joan zitzayon ta

 oso zan choratu,

 ¡gizagaisoa! bestek

 zuben echeratu.

 ...............

 Izanagatik oso

 ona erariya,

 kontuz bearda artu

 berari neurriya;

 bear baño geiago

 erate ezkero,

 jakiña da gauz onik

 ez dala espero.