Baserritarra eta lorea
Arrugain
Zutunik dago baserritarra
Bere basetxe ondoan,
Aurreko zelai zabal - alaian
Zuaitz ta lorak ikusteagaz,
Gogo - gogotik oldozka.
Lora polit bat begiz jotzean,
An dator zuzen artzera;
Bi beatzekin ausi, laztandu,
Ta poztasunez biotza gainduz,
Bitxia daear etxera.
Ontzitxo baten, ur otz gozotan,
Lorea gorde nai luke;
Baiņa bertotik, mingain motelaz,
Lora gaizoa, zotin artean,
Onela dantzut mintzatzen:
-Gizon maltzurra, biur dongea
Benetan zure oroitza,
Zelaian pozik bizi nintzala,
Beatz gaiztoaz, gogo zitalaz
Puzka zenidan biotza.
Ontzitxo ziztrin auskor onetan
Nere gorputza sartuaz,
Atsegiņ - pozez or bizi zara:
Egun osoan barre algara
Eiteko gertu zakusdaz.
Zure begiok edertasunez
Gozatu naiez zabiltza;
Eroa zera, zentzun bakoa,
Gizajo utsa, buru beroa.
Zertako nere bizitza
Ausi zenuen era orretan?
Ez zeunkan beti lorea
Eder ta txukun zelai erdian,
Goiz ta arratsalde, egun guztian,
Atsegin biziz betea?
Orain, zer bada? Ez duk ikusten
Nere aurpegi zimela?
Begientzako gorrotogarri,
Usaia guziz gal nuen barriz,
O, gizon zoro - tentela!
Poz - atsegiņok eskuratzeko
Ekar ninduzun zelaitik;
Poz - atsegiņok amaitu yatzuz,
Eder jantziok, ausi ta urratuz,
Zelaian bartan utzirik.
Ondorena
Gizona beti gizon izango,
Gogo- poztasun egarri;
Men guziekin atsegin gura,
Ta, eroturik, beko zoruna
Arrapatzeko urduri.
Baiņa atsegiņak igeskor izan,
Munduko gauzak ilkorrak;
Esku - eskuan ditugula ta,
Poz andienaz ibilten gara,
Ta poztasunak an doaz.