Erratzuarren besta: Kalifornia USA
Arriada, Jesus
1
Besta eder bat erratzuarrak
Hemen egitera goatzi
Ameriketan anitz baigara
elkarri hain urrun bizi.
Elkarretara urbiltzeko gaur
egun hau dugu berexi.
Kantu batzuek kantatutzea
ez ote du ba merexi.
(Errepika)
Nor gera gu zer gera gu
erratzuarrak gera gu... (bis)
2
Baztango txoko batian zaude
Erratzu herri onesta.
Hartako zure izenean gaur
Eiten dugu hemen besta.
Etzera herri haundia bainan
denetarako hein presta.
Hartaz zu baino haundiagorik
gure bihotzetan ezta.
(Errepika)
3
Erratzu herri maitia zutaz
beti hauxe dugu entzun.
Gure herritik ateraz gero
anitz kustekoak elkar.
(Errepika)
4
Oroigarriak izaten dira
beti holako egunak.
Zer besarkada goxoak hemen
elkarri eman tugunak.
Bai eta ere hemen ditugu
erratzuar egin tugunak.
Amodioak hautaturikan
dauzkagun espos lagunak.
(Errepika)
5
Herritik kanpo atera ginan
guziok gazte ta azkar.
Herri maitea zutaz oroituz
egin ere zenbait nigar.
Elkarretara urbiltzeko gaur
eginik hainbertze indar.
6
Geientsuak gu bizi baikera
Kaliforniako partian.
Hainbeste zelai ta aberastasun
daukan Estatu batian.
Egun goxo bat pasatzen ari
hemen elkarren artian.
Los Baņos bere izena daukan
herri umilņo ttipian.
(Errepika)
7
Lendabizikoz hemen baitugu
besta eder hau muntatu.
Zenbat herritar giraden hemen
gaur ezin gira kontatu,
Ideia ona izan dugula
nik uste dener gustatu.
Erratzuarrak berriz agian
eginen gira juntatu.
(Errepika)
8
Holako egun goxoak beti
nork ez lituzke ba maite.
Anaitasun hau atxikitzea
hain gauze ederra baite.
Hortaz eztugu adiosik ere
elkarri erranen bate.
Baker bakarra bihotzetikan
berriz hola ikusi arte.
(Errepika)
9
Erratzuarrak nunai izanik
badugula anaitasun.
Balinbazira Erratzun.
Badakit zonbat oroitzapena
goxo bihotzan dauzkazun.
(Errepika)
