Amets gaixto baten ondotik

 1

 - Ai ei, ama! Gaur lotarik

 egin dutan ametsa!

 Maitea hil zitzaitala

 amets ilun kiretsa...

 2

 Prest-presta dut zamaria

 maitearen ganako.

 Lehen bai lehen goazin

 berrien jakiteko.

 3

 Senperetik Ahurtira

 Jatsu, Hazparnen gaindi,

 Oi bide etsigarria!

 - Zaldia, erna hadi!

 4

 Bi belaunez erori zait

 zaldia biderditan,

 Hiru arrosa lehertuz

 hesi xoko batean.

 5

 Hiruei bildu diotet

 lore pollit bedera.

 Ekarri nahi baititut

 maitearen eskura...

 6

 Lore gorria, zu zare,

 ene izar bakoitza!

 Bertze lorea ez ote

 gu bien esperantza.

 7

 Maitea, hirugarrena

 ene bihotza duzu

 Zurearen aterbean

 betikotz atxikazu.