Amets gaichtoa

 1

 Ai, ei, ama! gaur lotarik

 egin dutan ametsa!

 Maitea hil zitzaitala,

 amets ilhun kiretsa!

 2

 Prest-presta dut zamaria

 maitearen ganako:

 Lehen-bai-lehen gohatzin,

 berrien jakiteko.

 3

 Semperetik Ahurtira

 Jatsu-Hazparnen gaindi:

 Oi bide etsigarria!

 -Zaldia, erna hadi!

 4

 Bi belhaunez erori zait

 zaldia biderditan,

 Hiru arrosa lehertuz

 larre choko batean.

 5

 Hiruei bildu diotet

 lore pollit bedera,

 Ekarri nahi baititut

 maitearen eskura.

 6

 Lore orria, zu zare,

 ene izar bakoitza!

 Lore ferdea, ez othe

 gu bien esperantza?

 7

 Maitea, hirugarrena

 ene bihotza duzu:

 Zurearen atherbean

 bethikotz atchikazu.