Amen besta-kari
1
Amatto, zure haurrak, lore hauk eskuan,
Zutaz orhoitzen dira, eskerrak gogoan.
Huna ttipi-handiak zure inguruan,
Pott bana zuretako ptest ezpain chokoan.
2
Zuk moldatu bihotza nola daike hotza?
Nola ez zaio jinen zuretzat othoitza?
Egun zeru gainetik Jaunaren laguntza
Jauts bedi loriatuz aitamen bihotza.
3
Oi ama, dena dohain, dena barkamendu,
Zer laike zure haurra, zu hor ez bazindu?
Zaude gure atherbe eta salbamendu:
Amak eman argiak zer indarra ez du?
4
Berriz ere, batzutan, ontsa ez bagira,
Ihes eginen dugu zure besotara:
Egun, bozkariotan jauzinez lepora
Urbilduko gitzaitzu musu emaitera.