Amari
1
Jaunak egin egun oroz
Lore bat derautzut biltzen;
Jaunak egin egun oroz
Ene bihotza eskaintzen.
Mundurat eman bainauzu,
Zure irri goxoari,
Zure begi eztieri
Behar deiet ihardetsi!
2
Jaunak egin egun oroz
Lore bat derautzut biltzen;
Jaunak egin egun oroz
Ene bihotza eskaintzen.
Zu, ene izar bakarra,
Baketzen nauen begia,
Esku kontsolagarria.
Nigarren xukatzailea!
3
Jaunak egin egun oroz
Har-azu ene arrosa;
Jaunak egin egun oroz
Bizian badut nun pausa:
Zu ene argi bakarra,
Onerat bidatzailea,
Gaizkitik begiralea,
Bozkario ekarlea!
4
Jaunak egin egun oroz
Ama, zuri esker mila;
Jaunak egin egun oroz.
Zutaz orroit nadiela!
Zure ongi baliosak
Nola denak atxik gogoz?
Berritzen derauzkidatzu
Jaunak egin egun oroz!
|