Mariari garbitzeko egunean
Arrese ta Beitia, Felipe
Arpegia badakar
Barrez egun sentiak,
Kanpoak Eguzkiak
Urrez badauz jauzten,
Andrea da zeurorri
Agur bat emon nairik,
Diralako goisetik
Guztiak jagiten.
Gaur emoten deutsue
Alboradea danak,
Choricho kantatzallak
Errama gañetan,
Euren chorrochioak
Esan gura dabela,
Zareala ederra
¡O Ama sorrerant
Errekacho garbian
Kardinchai ezkoturik
Lumachoak kozkorrik
Bajakez jarriten,
Maria zareala
Guztizko egokia,
Galant miragarria
Dabe erakusten.
Larroseak dotore,
Lirioak arrorik,
Lurrunak isuririk
Dabe erakusten,
Sorreratik Maria
Aren usain gozoa,
Baño gozoagoa
Dozula botaten.
Bere zuritasuna
Belchargak dau estaltzen,
Ichasoak gelditzen
Ondak bereala,
Zakusenean zelan
Zu zarean ederren,
Dontzellea dontzellen
Eta amen Ama.
Erregiña zara
Edertasun danena,
Udarik galantena
Zugaz oi da zurtu,
Neguak iges egin
Infernuak gerria,
Eta bero anzia
Lotsarian galdu.
Baita uso politak
Zidarrezko errekan,
Deutsu zuri kantetan
Dabillala pozez,
Bakochak bere chandan
Euren doe andiak,
Urteko lau aldiak
Eskinten deutsuez,
Zure oñatsai laztan
Deutse egiten astruak,
Dauka zuro buruak
Izarrez arua,
Zeure oñen aulkitzat
Daukazu illargia,
Ta barriz Eguzkia
Da zure mantua.
Nai zaitue agurtu
Aingeruak Zeruan,
Kriaturak soruan
Gure alkarren leyan,
Zeurorren sorreria
Loirik baga garbia,
Eta miragarria
Chit zalako izan.
Jaunak zinduzalako
Egiñ orren dontsua,
Orren bedeinkatua
Ta Beretzat Ama,
Agur, agur, milla agur,
Guraso orren diña,
Izateko egiña
Jayo ziñeana.
.............
.............
Izanik zu ¡o Andrea!
Zorionez aiñ betea,
Norutza Emakumea
¿Zoaz gaur gois jagirik?
Goisaro orren charrean
Otzak kikillik bidean,
Edur leituen gañean
Zeure Jesus arturik?
Zek zaroaz Salenera
Loirik ez da garbitzera,
Garbitasuna berbera
Baldin beti bazara?
Egun sentia goisetan
Jakunean agerketan
Ibar,lau, ta tontorretan
Ezpada aiñ ederra?
-¿Zek zaroaz ¡o-Maria!
Mota bagarik zuria
Uso edurrez jantzia
Tenplura garbi joaten?
¿Ez padot nik erreketan,
Eta euren korrontetan
Urik iñor begiztetan
Zu duiñ leyar joaten?
Zu izanik ederrago
Illargia bera baño,
Izar bat chit argiago
Gaur ¿nai dozu garbitu?
¿Nun daukazu baltzunarik?
¿Nun oreiñ ta non orbanik?
¿Nun loirik ta ¿nun, motarik?
¿Nun dozu zek eraindu?
Zu zara bai, zu Andrea,
Gaurko legetik librea,
Ta zure onoidadea,.
Ezkutau gura dozu,
Beste andrakunien gisan,
Loitu bagarik seingintzan,
¿Zertan nai dozu Elisan
Andra garbia sartu?
¡O Jaunaren Esposea!
¡Bere Ama ta Alabea!
Zeruko Erregiñea!
Arriturik naukazu!
Ikusirik zareala,
Legera loien erara
Erru bagea izanda
Borondatez umilldu.
Ez dakit agaitik bada,
Zeñ dan zurgarrien Ama,
Umilltasun ori ala,
Dozun garbitasuna,
Biok nabe lotsaketan,
Biok nabe kondenetan,
Nazalako arroketan,
Izanik loitasuna.
Umillen Irakaslea
Egin naizu umilldea,
Loirik bagako Andrea,
Egin naizu garbia,
Egin naizu loi au zuri,
Umill eta garbiz zeuri,
Nik dagizudan iduri,
Andra utsik zuria.
|