14-eko gerlaren ondotik, Jatsun eman kantuak
1
Lanik ez duenari emozue lana
Lanik ez izanez dut buruan emana
Behar dudala dener (bis) eman bertsu bana
Otoiztuz ez dezaten nehork har hoi pena.
2
Jatsuko herri trangil, omen onekua
Arno edale onez beti famatua
Horren gatik jendia (bis) hor arras prestua
Bere aferer beti ongi segitua.
3
Gazteria ederra bagira herrian
Egunaz gure plaza zabal ederrian
Ilunduz geroztikan (bis) gero Airenian
Libertitzen girade bake ederrian.
4
Ostatu laketgarri airos ta garbia
Horko jaun anderien entrada eztia
Hor dugun zerbitzari (bis) goxo propia
Kasik erran nezake parerik gabia.
5
Ixtant bat behar dugu sujeta sanjatu
Zakur errabiatu baitzauku pasatu
Jatsuko jendia da (bis) harmetan altxatu
Guhauren gatu bat ere baitauku kutsatu.
6
Beldurrarekin nehor ez nahiz partitu
Ihiztari abil bat dutenean hautatu
Elgarren artean cute (bis) azkarki sustatu
Azkenean nola du hak deliberatu.
7
Ihiztari abaila lotzen da bideari
Hatzak ziren orotan ederki ageri
Xemartin Joan izan da (bis) segituz heieri
Kasu einez arbola ondo guzieri.
8
Latseko errekara hor da arribatzen
Bet-betan harriturik hortxe da baratzen
Gatu tzarra du hantxe (bis) parrez par ikusten
Haitz bati ari dela adarraren mozten.
9
Haztaparrak zurean sobera sarturik
Hek ezin ateratuz debruek harturik
Gatua kexu bainan (bis) ezin ein bertzerik
Utzi du Xemartinek murlaza emanik.
10
Jean-en arno onetik denek edan-eta
Kantu berri hauk orok ditzagun guk kanta
Berriz ere edanik (bis) gaiten oro josta
Gatuak nahi badu einen du marraka.