Errilijioso gazte baten agurra, bere erri eta ama maiteai

Arrese ta Beitia, Felipe

 Agur Euskal-erriko

 Lur beti berdiak,

 Agur ¡o! mendi eder

 Aiñ alegeriak,

 Agur ach chunchur polit

 Iturriz betiak,

 Agur kerizpe gozo,

 Erreka biziak,

 Mundu barrira oraiñ

 Obedientziak

 Naroa onduteko

 An pekatariak!

 Fraille nik egiteko

 Urten nebanian

 Agur bat egin neban

 Samurra echian,

 Geiago ez dot ama

 Ikusi aurrian,

 Baña gomutetan jat

 Goisian-goisian,

 Eskatzeko, Jesusi

 Meza esatian,

 Bizi dedilla ando,

 Baita ill bakian!

 Bizi zaitez, bai, ama

 Euskaldun lurrian,

 Euskaldun oitura ta

 Euskaldun legian,

 Euskal-errira atzera

 Eltzen nazanian

 Billatuko al zaitut

 Osasun onian,

 Baña agur orduraño,

 Agur bitartian,

 Agur... ama, zaroat

 Biotz biotzian!