inprimatu
Arbola bat
Izenburua:
Arbola bat
Sinadura:
Arrese Beitia, Felipe (F. A. ta B.)
Urkizaren iruzkina:
(Zat.)
Egilea(k):
Arrese Beitia, Felipe

Argitalpena:
Bertsolaria.
Urtea:
1932
Argitalpenaren urtea:
1
Alea:
25.zk.
Orrialdea:
155

 

 

 

 

faksimilea ikusteko


Arbola bat

 

Arrese Beitia, Felipe

 

 1

 

 Arbola bat zan Paradisoan

 Jaunak apropos jarria,

 Mundu guztiak artu egion

 Lotsa ta itzal andia,

 Bere azpian bizitea zan

 Aita Adanen gloria,

 Andik kanpora zer topau eban

 żEzpada negargarria?

 

 2

 

 Arbola santu aren azpian

 Bizi zan, Zeruan legez,

 Eukazalako atsegin danak

 Eta nekerik baperez;

 ˇAi begiratu baleutsa beti

 Lotsa on eta itzalez!

 Mundua etzan gaur arkituko

 Onenbeste atsekabez.

 

 3

 

 Arbola bat zan Bizkayan bere,

 Neure anaya laztanak,

 Zeińen azpian, pozez beterik

 Egoten ziran asabak,

 Kerispe zabal artan jarririk

 Eginda euren Batzarrak,

 Bustarri baga, nasai ta libre,

 Bizi ziran bizkaitarrak.

 

 4

 

 Bere azpian umildu ziran

 Errege Gaztelakoak,

 Eta lekurik ez eben izan

 Sekula barriz moroak;

 Atzera gura badogu izan

 Libre len gińan lakoak,

 Itxi daiguzan erdaldunentzat

 Erdaldun diran kontuak.

 

 5

 

 Astu daiguzan gure artean

 Izan diran aserreak,

 Izan gaitean anaya eta

 Euskaldun zintzo garbiak;

 Betor guraso zarren fedea,

 Betoz asaben legeak.

 Bere negarrak leortu daizan

 Ni jayo nintzan Erriak.

 

 6

 

 ˇO neure Erri maite maitea!

 Zakustaz triste negarrez,

 Zure alabak euren buruak

 Baltzez estaldu dituez,

 Trentza mardoak tiraka atera

 Ta sutara bota dabez,

 Gaur euskaldunak dirala orrek

 Ezin ezaguta leikez.

 

 7

 

 Isildu ziran neskatxen kantak,

 Mututu artzaiń-txistuak,

 Zelai zabal ta jolas-lekuak

 Gaur dira basamortuak:

 Arroak beera itxasoruntza

 Doiazan errekatxoak,

 Gau eta egun txilioz dagoz

 ˇAi gara Gaztelakoak!

 

 8

 

 Bakarrik dakust pozgarritxo bat.

 Euskaldun amen fedea,

 Benturaz oneok bigundu leike

 Jaungoikozko aserrea,

 Eta zerutik jatxi berriro

 Galdu zan libertadea,

 Mundua mundu bizi dakigun

 Gernikako Arbolea.

 


inprimatu