Eskale
Arberu, Daniel
1
Ogi axal bat, gopor bat esne,
Irri labur bat, nik aski nuzke...
Nabilalarik, hor, etxez etxe,
Etxe, etxe, herrestan, eskale!
2
Salda xorta bat, baso bat arno.
Ta xingar keilu bat murtxatzeko.
Zonbait gaztena erre eta gero,
Bakea derautzuet utziko!
3
Irria beti dut ezpainetan.
Bozkarioa ere etxetan,
Ezarri nahi nuke frangotan
Izan gaiten airos bizi huntan!
4
Jende guziak, ez ote, gire,
Ibiltzen beti, zerbaiten eske?
Amodioari, eginez galde,
Egon gaiten beti, adixkide!