Bide nekea
Arberu, Daniel
1
Senditzen dut bihotzean,
Haize goxo ta epela.
Bainan dakit aspaldian,
Satan-en oihua dela!
2
Ari haiz, lanean ari,
Gazten bihotzen galgarri.
Bainan hire eskaintzari,
Ukho diat egin nahi!
3
Eskaintza goxoak, Satan,
Egiten daztak frangotan.
Zorigaitzez, zonbait aldiz
Bekaturat erortzen niz.
4
Plazerrak dituk eskaintzen
Gazten bihotzak nahasten.
Jainkozko bizia kentzen...
Ta saritzat zer emaiten?
5
Zeruko Jauna maitatuz,
Ama, ararteko hartuz,
Satan, bidean baztertuz,
Goazen zeruari buruz!
|