Aintzina
Arberu, Daniel
1
Gaztetasunari buruz
Hire buruari kasu egiten hasten haiz.
Ixiltasun batzu senditzen dituk hi baitan:
BARRANDAN EGON HADI...
Oihu goxo, oihu samin batzu bihotzetik:
Biziari oihu, libertateari oihu.
Aintzinerat tiratzen haute,
Hire indar berriek,
Irria ezpainetan, beldurra bihotzean.
Bainan ere gibelerat
Haur bat haizela aditzen dukalarik.
Pausaa zak zangoa, fermuki,
Aintzinari buruz
Pauza zak gizonen artean
Gizon langilen artean
Zoinak lanean ari baitire egun guzian,
Izerdia kopetan, iguzki saminaren azpian,
Lurrekotzat eta Zerukotzat.
Pausa zak, behar den lekuan,
Ederrari, garbiari, bakeari buruz,
Joan dadin bethi AINTZINA!