|
Gabon, Belen; Belen, gabon
Gandiaga, Bitoriano
GABON, BELEN; BELEN, GABON:
JAINKOA EGIN DA GIZON,
JAINKOA EGIN DA GIZON,
GIZONA GIZABIDEAN
KONPROMETITUZ TXIT SAKON.
1.
Gizona zabal bizi da
zabala dugun munduan,
bizi ahal duen moduan.
Gizona gaizki bizi da
gure mundu obreruan:
jende asko da paruan.
Laguntza faltan gizona
«nivel de vida» karuan,
ailegau ezin klaruan.
2.
Luzeak gara dotrinan
lar luzeak endreduan,
motx samarrak anparuan.
Gizona atendituta
dago gure partiduan
kanpaina egin orduan.
Ganora bako moduan
gizona dabil jokuan
gure mundu saltseruan.
3.
Sozial demokrazia
dio, dios, aingeruak,
komunismoa saguak.
Gizona dio elizak,
gizonari estaduak;
asko dira adabuak.
Gizajo gizona, gizon
egiten du enpleguak,
desgizon desenpleguak.
Desagertu birtute
Gandiaga, Bitoriano
DESAGERTU BIRTUTE
EDERRAK HAN BAIT DIRA,
IKUS DEZAGUN BELEN;
GAGOZKION BEGIRA.
1.
-Ikusi makusi.
-Zer ikusi?
-Ikusten, ikusten,
a, a, a.
Jaunak gugatik egin
duen miraria:
Hitza gizon egin da
hartuz haragia.
Hitza gizon egin da.
DESAGERTU BIRTUTE...
2.
-Ikusi makusi.
-Zer ikusi?
-Ikusten, ikusten,
e, e, e.
Gezurra zabal dabil
orain eta hemen.
Egia bazterrean,
Egia Belenen.
Egia bazterrean.
DESAGERTU BIRTUTE...
3.
-Ikusi makusi.
-Zer Ikusi?
-Ikusten, ikusten,
i, i, i.
Hemen harrokeria
ari da nagusi.
Egia apala da,
pobre ta biluzi.
Egia apala da.
DESAGERTU BIRTUTE...
4.
-Ikusi makusi.
-Zer Ikusi?
-Ikusten, ikusten,
o, o, o.
Egun injustizia
bizi da oparo.
Egia justua da,
astanduta dago.
Egia justua da.
DESAGERTU BIRTUTE...
5.
-Ikusi makusi.
-Zer Ikusi?
-Ikusten, ikusten,
u, u, u.
Guk behingoan ohi dugu
zuritu nahiz beztu.
Egia zintzoa da,
faltsiarik ez du.
Egia zintzoa da.
DESAGERTU BIRTUTE...
Belengo zure
Gandiaga, Bitoriano
BELENGO ZURE
JAIOTZAK POZTU
BEZA KONTENTUZ
JENDE TRISTEA,
DAKARKIOZUN
ASKAPEN-MEZUZ,
DAKARZKITZUGUN
KRISTAUON ESKUZ.
Lurreko jende
zapalduaren
pozbiderako
jaio bait zinen
Belengo Jesus,
begira ta ikus
zein herrialde
handiak dauden
bizi-pozaren
eske, zizpuruz.
BELENGO ZURE...
Kristauon erruz?
Kristautasuna
desafiatuz,
atsekabezko
negar odolduz
laguntasuna
estu eskatuz,
miloika pobre
ari da munduz,
gose ta biluz.
BELENGO ZURE...
Kantatzera noa
Gandiaga, Bitoriano
Kantatzera noa
Gabongo argian;
kantatzera noa:
Haur bat jaio dela
gauaren erdian.
Gauaren erdian
kantatzera noa
pobrezan jaio den
Haur-Jaungoikoaren
penazko leloa:
ESAN GABE DOA
POBREZAKO HAURREN
INTZIRI GAIXOA:
POBREZATIK POBRE,
LAGUNTZARIK GABE,
GALDUZ GALDU DOA
HAUR POBREZAKOEN
NEGARREZKO ESKE
ALFERRIKAKOA.
Izarren begian
Jaungoiko den haur bat
jaio da mendian
geure ageri ta
geure haragian.
Geure haragian
kantatzera noa
pobre jaio diren
Jainkoaren haurren
penazko leloa:
ESAN GABE DOA...
Denaren premian
Jainkoaren haurrak
pobreen haurrerian,
gosek-hilen mundu
beltz eta gorrian.
Beltz eta gorrian
kantatzera noa
pobre jaio diren
Jainkoaren haurren
penazko leloa:
ESAN GABE DOA...
Bakoitzak bere ardurak edo
Gandiaga, Bitoriano
Bakoitza bere ardurak edo
zereginak afandua,
jo batera ta jo bestera hor
ehun arazotan nahastua.
Inurritegi aztoratua?
Halaxe giza-mundua.
GABONAK DITUK, EGUBERRIAK,
GELDI HADI PIZKA BATEN.
BEGIRA HITZOK ZER BERRI EDO
ZER KRISTO DUTEN ESATEN.
BIRPENTSA HITZAK, IKUSIKO DUK
ZER GOZABIDE DAUKATEN,
ZER ITXAROPEN, ZER ARGITASUN,
ZER BAKE DUTEN EMATEN,
GABON BAIT DIRA TA EGUBERRI
MUNDUA POZTU DEZATEN.
Askotan gaizki, gutxitan ongi,
ekintzak liluratua
itsu dabilen tajurik badu
koloka edo galdua.
Inurritegi aztoratua?
Halaxe giza-mundua.
GABONAK DITUK...
|
