Itsasoari

Iturbe Balda, Martin

 Kantauri itsasoa!

 Zauri zuriz

 bedeinkatua

 daramazu

 ur-azal

 urduria!

 Zenbat euskal seme

 dituzu,

 -esaidazu-

 zure

 sabel hotzean

 gordeak?

 Zuk besarkatzen duzun

 lur mardulean jaiotako

 seme saiatuek

 ez dute urratu nahi izan

 hain zurea zaizun

 ur-amets pestalaria!

 Zergatik bete dituzu

 hainbeste sukalde

 alargunez

 eta

 umezurtzez?

 Euskal-lurretako

 biztanle paketsuen

 beso luzea

 ibai oihutan onar ezazu!

 Atzerritarrek urratzen badizute

 zure altxor-kutxatila,

 herbestearrak badira

 zure zelaien mugatzaile,

 ez zaitez aserretu

 senide gatzaizkizun hauen aurka.

 Merezi duenari

 zigorra ematea

 ez dizugu guk

 galeraziko!!!!!!