Hitzek naute populatzen
Mujika, Luis Mari
Hitzek naute populatzen,
hitzek barrenbiltzen gozo,
gauzen ertzak gorakatzen
asmo galanten erasoz
-haitzak, soroak, mailoak,
gari horiak eta arto-,
ikusia amorez nabil
birkreatzen egunero,
gauza isilen harridura
bihotzaldean kantu harro,
sabelpeko erasoa
uztaldian hitz gorengo,
nire inguruko giroa
ederraren ozeano...,
hitzek naute populatzen,
hitzek barrenbiltzen gozo!
|