Duako biarrak

Etxebarria, Toribio

 Zan, antxiñako Atenas'en

 Antifon, itz edergiña,

 Socrates'en aurka esaten,

 au bazan be gizon bardiña,

 ezertara b'ez, a bera,

 erizten zan jakituna.

 Preziokua ba izatera

 aren erakuskizuna,

 oitutzen zan letz danian,

 ez ebala, zoru ezik,

 dirua eiñ biarrian,

 duan zabaldu biarrik.

 Ala nere bersuak be;

 uteak, diranetik duan.

 Baña zenbat? ez badabe,

 eskubiderik orduan

 irakurlarixak asteko

 esaten, detsarala ostu;

 dendari lotsagabeko

 bat banitz letz, ta saldu

 diruagaitik, zintzo ordez,

 matsmordo ustel ustelak.

 Beti duan eta berez

 munduko gauza ederrenak

 duan txorixak kantari,

 duan dira lorak ederto

 janzten, gorri eta zuri,

 Salomon baño be obeto;

 duan iturrixak ura

 t'Arrate'k ifar-aizia;

 ta basuak ezkurra,

 ta zugatzak kerizia.

 Duan Euzkixak argixa,

 Irargixak gau-zidarra,

 Munduak zer-ikusixa

 et'Itxasuak indarra...

 .................

 Baña txandan dirugiñak,

 besterik ez da buruan,

 etentzeko alegiñak;

 ez ditue eiten duan,

 laga biarra dabenetik,

 Urkira aldatzerakuan,

 dana emendiko aldetik?