San Blas eguna

Mujika, Bittor

 Gaur gauean entzun dut

 Atharratze abestia

 eta beste asko.

 Gaur gauean sentitu dut

 hego-haizea eta

 sartu zait bihotzeraino.

 Hego-haizea

 Nafarroatik etorria.

 Hainbat eta hainbat

 etxe eta gizon,

 neguko gau hontan,

 epeldu eta gozatu

 duzuna.

 Esaidazu, zenbat

 nafarren ahotan

 euskara ez duzun

 entzuten.

 Zabaldu zazu

 nola euskara,

 ez bakarrik

 jauntxoaren hizkuntza

 baizik laborarien

 eta artzainen

 hizkuntza izana,

 dagoen orain

 herritatik kanpo,

 pago eta errekatxoen ondoan,

 biluzik,

 kizkurtuta,

 eta ia hilik.