Txipilota

Zabaleta, Pedro Martin

 Argi ondoan txipilota,

 dantzari ta inguruan amelauna.

 Ta amelaunean armiarma

 Ta amelaunean euli mila.

 Ta argi inguruan amelauna

 Ta amelaunaren inguruan txipilota

 Txipilota, armiarma,

 amelauna, txipilota

 argiaren ondoan.

 Txipilota dantzari

 amelaunak mila euli.

 Armiarma beltza doa

 amelaunaren gainean.

 Txipilota dantzaria

 ta ondoan argia.

 Nork hausi ote lezake

 amelauna ta euliak

 libratu.

 Ta argia argitu.

 Nork lezake armiarma

 amelaun saretan akatu.

 Txipilota, armiarma,

 amelauna, txipilota

 amelaunak mila euli

 argiaren ondoan.