Betigarren poema
Sarasola, Ibon
(Udalehena, uda, udazkena...)
Azken-udahilleko
(azken-parkeko
azken-arbolako)
azken orria erortzen
dan
bitartean...
Zeru grismotel azpian
enborreko goldi zaharrak
-ia lotan, eternidadez ikutuak-
beretasuna murmuratzen duten
bitartean...
(Ixiltasuna.
Biokimia geldia arrats motelan)
Hemen,
denporatik urrun
dimensio biko
-sakona, arbolak-
espazio huntan
ene liburuan billaka ari naizen hitza
-letrak, ez esan-nahia-
ezin atzeman dudan
bitartean...
(Ixiltasuna.
Biokimia geldia arrats motelan)
Parkean,
azkenengo orria
erortzen
dan
bi
tar
tean...
|