Alabearrez
Otsalar
Illunaldietako olerki miņak zauritzen nau.
Begitartean sukarra,
biotzean zurda.
Noraezean,
osto ximelen gisa, dardaraz.
Bizitzak galdu ote du ezti-miņa?
Thor-Urtzi'ren semeak, nun dira?
Lizarraga'ren illobia
berrogei giltzekin itxi zutenez,
iduritzen zait,
kristau izatearen grazia galdu genuela.
Orregatik,
egun bakoitzak berea ezin du eman.
Gure bizia bizi ote gera?
Edo,
nere bizia bizi ote naiz?
Iparraldeko erriren batean
jaio bear nintzan,
aize otz garbiak
piņu-basoak barreiatzen dituan
Eskandinabia partean.
Aize garbiak aske,
gizona gizon,
fedea fede,
erria erri
iraundutzen duan lur aretan.
Illerriak ere lorategi
biurtzen diran lekuan.
Ta illeta miņezko karrasi larriak
bizia mingosten duan
Euskalerrian sortu nintzan.
Ego-aize lordin eroak
lardats errepelak
leunki miaztuz
egizko izakera galerazten duan lekuan.
Bertako giroak,
ez naizena izatera beartzen nau.