inprimatu
Arratsaldeko biozkada
Izenburua:
Arratsaldeko biozkada
Sinadura:
Friedrich Hebbel
Urkizaren iruzkina:
(Eusk.: Nikolas Altzola)
Egilea(k):
Alzola, Nikolas

Hebbel, Friedrich

Argitalpena:
Egan.
Urtea:
1965
Argitalpenaren urtea:
Alea:
1/6
Orrialdea:
126

 

 

 

 

faksimilea ikusteko


"Gaur ideki diet itxasoari ta haizeari leihoa"

 

Lasa, Mikel

 

 Edertasun billuzia zein izugarria den

 Ipar aldera igesik doan itxas-bazterraren linea,

 negua maite duten hegazti gris haundien hegada,

 Eguzki-begi-haundia ugartearen gainean.

 

 Gizon berriaren paradisua goiz-alba da

 ta enegan dagoen aingeru garbi ikaragarriak

 birrindu-zorian dauka arratsaldeko jainko-beltza.

 Gizon berriaren letaniak kantatzera noa,

 milla gauza umillen dizdira izkutuan:

 nere ezpaiņetan daramadan basa-krabeliņa,

 haitz-zuloetan dantzan darabillan ur berdea

 ta nere gelako egunaren zazpi argi diferenteak.

 

 Gizon berriaren ailleluya kantatzera noa:

 Hainbeste ontzi nere begietako itxasoan,

 hainbeste metal-soiņu hurrutitik, karraxiak albotik,

 hainbeste burni guratzatu, hain estruktura egokiak,

 nere oiņ-azpiko lurra gotortzen ari direnak.

 Ta ororen gaiņetik eguzki-begi-haundia

 egia agirian ipintzen

 munduko i petral ororen gaiņean puntua ipintzen.

 

 Oi egunen batean ausartuko bailtz gizona,

 ze indarra, nolako seriotasun ikaragarria bere maitasunean,

 gorputz ahuldu hori libertatuko garaiean!

 Egun hartan hibai bat eta ispillu bat izanen naiz

 eta Adanek gauza guzieri izen berri bat

 ezarri zien moduan

 nik gauza zahar eta aintziņeko hil guzieri

 izenak kenduko dizkiet,

 gauza hutsak, soillak izan ditezen.

 Orduan gizonak eta harriak berriro pakeak eginen dituzte

 eta laiņo gorritua, eguzki hildua,

 herdoiaren kolore errebelatua (behin gizonaren esperantza)

 hibaiaren kantsazioan islatuko dire

 ta nere animaren egonarria ta esperantza izanen dire.

 


inprimatu