Negargarria
Aurraitz
Lau zutargi loiren erdian
zetzan ilotz mengala, aratin,
ez apaiz ez taiuzko lagun:
inguru iru-lau eme zikin.
Paittarrez beterre ta itzontzi,
lotsabako autuak eder.
Zanaren alde etzan otoitzik:
gogoez etzekien ezer...
(Lizunkerien arratxoak
ian eutsan osasuna ankerki,
atseginkerien lupetzan
Erio'k ez eban erruki.)
Galazo-atsegin-erosten
eltzen dakozan gizatxarraik,
ustelean gal ebenean,
ez eben arentzat laguntzaik.
Gaixoa! Nora iun ete zan
aren gogoa? Etzan deungez
bardazkatu: Bizitze eskergek
bultzau eban zidor okerrez...
Bizitze ittuna! Azken itzela!
lau arkai loi lagun, bakarrik...
Betiraun-bide ezkutu-zear
lagun al eban Goi-Erruki'k.