Txorabioa

Lasa, Mikel

 Oh juventud terrible, oh terrible juventud!

 corazón vacío!

 Ez da ezer; ez da egia.

 Kontra nagona naiz

 kontraren kontra

 ta inor ez da nere alde.

 Gauerdian nago

 romantikuen ugartean

 Izatearen mugan

 mugaren mugan

 Eta Sade'ko markesaren gazteluan.

 Gauerdian nago

 Ta illak ditut lagunak

 Aragon gaztea, Tzara, Neruda,

 León Felipe,

 Leautréamont, Lelian gizarajoa,

 Kafka,

 Eta Beaudelaire begirada tristea.

 Gauerdian nago

 ta itzalak ditut lagunak

 bakarrik ez naizen

 sekula sekulakotz.