Ume zapuztua
Aurre-Apraiz, Balendin
Sasi kume errukarri, mutiko beltzeran!
Zeintzu diran ez dakik eure ama ta aita.
Iri iskanbiltsuaren gaian zabartuta,
alderrai abil, kaden, txaide zikiñetan.
Begi larriak zabal; ule-latz, txanka-igar.
-Galazo-gozamenen arnari goibela!-
Eten bako gosea aldean dabilkala,
bizirik iraunteko lapur egin bear.
Yanariak pilloka dakutzak barano.
Askoak, alperreko urre-pitxiz apain.
-Pekatuaren zori txarreko seme erkin!-
Obeto aberatsen potzoak i baiño.
Billuts-billutsik, bizkor, igesi illunari;
estalperik aurki nai gaba egiteko.
-Etxaukak kupidarik iñok iretako-.
Soiña otz, sabela ikol; bai-dok lorra ugari.
Mundukeri ankerra! Nun kistartasuna?
Ona izango intzake, ba, i, ba-euko nok asi.
Asko larregikeriz; itzat yan ez yantzi.
Yaube bageko oil, iñok ez aintzat ire ituna.
Gizadi gaikoiaren errua akulada,
zuzentza arbuiako duk andi aitenean...
I eu ezaz errudun... "Bildotsek ordaintan
ardien zorrak", baiña. Ameriketa auxe da!