Bidaso bazterrari

Basurko eta Ansola, Joan

 1

 Agur Bidasoa,

 Ludiak ditun bazterretan politena,

 Guzien gañetik

 Nere biotzak egitan maite duena,

 Nere sort lekutzat

 Zorionez Jaunak berexia zuena...

 Ez da ez, lekurik,

 Zu bezelakorik, txoko maitea,

 Zugandik urruti, ezin naiz ni bizi,

 Etzaitut nai utzi.

 2

 Naigabe samiñez

 Biotza beterik,

 Or ibilli naiz ni

 Zu emen utzirik,

 Denbora luzean

 Emendikan urrun,

 Atsegiñik ez nuala iñun...

 Eta berriz emen

 Gaur zure ondoan,

 Zer pozik nagoan.

 3

 Agur Ondarribi,

 Bidaso ta Jaizkibel artean zaudena

 Aintziñ-aintzinatik

 Ondo zabaldua dago zure izena,

 Baitare Uranzu

 Doai berex, alaigarriak dituena,

 Sendatzen dezute

 Nere biotz miña, gauz atsegiña,

 Arkitu nai nuke eriotz orduan

 Zure inguruan.