Zeurekin noa. Txillardegi jaunari
Gandiaga, B.
Gizon-begi-goritu,
gizon-jagi-zale,
gizongriņen-katigu,
gizon-miņez-bete...
Gizon:
Zeuk legez daukot
arima gartsu bat.
Zeu legez nekatzen naz
muga leun baterantz.
Gorputza zur ta burdiņ.
Ariman indarra.
Erbesteko itxasoan
ontzi lander gara.
Sagar baten zoztorra
ardatz beiņenean:
Eragozpena nai ta
alaren artean.
Gizon-begi-goritu,
Gizon-urten-zale,
gizon-bakez-gosetu,
gizon-katez-bete...
Gizon:
Zeuk legez daukot
arima gartsu bat.
Zeuk legez, naikun biren
soka-tira daukat.
Gorputzak bere gusto
gaiztoak ba-ditu.
Zeiņen sendoak diran
ta zeiņen zoratu!
Begi gabe daroe,
arriskuz-arrisku,
engaņuzko sokatan
biziro katigu.
Jaunak gizonarentzat
egin eban lurra.
(Baiņa ba-dogu nunbait
zanetan mozkorra).
Nai buru-gabez goaz
lur eta uts gurtzera
gurtzen ditugun zeron
zazpi ezpagiņa.
Arima, bere aldiz,
goietara deika.
Ezin gora-goratu
lurrari itsatsita.
Baiņa ez gaiten lotu
eziņa ikusita.
Mugitu gaiten gogor
askatu-indarrezka.
Gizon, zeuk legez daukot
arima gartsu bat.
Zeuk legez, naikun biren
soka-tira daukat.
Betiko gudu baten
nekea daroat.
Gorputza; mundu alde.
Arima, zerurantz.
Zeuk legez esaten dot
neure zori miņa,
negarrez erregutuz
poza ta atsegiņa.
Atondu nai daroat
barruko lorriņa.
Iguiņez nabaitzen dot
obenera-griņa.
Adimenaren illun,
oroimenen ausle,
borondateko uger,
naikerien aize,
sentiduen engaiņu,
indarraren kalte,
sagarraren zoztorrak
zenbat bear donge!
Atsegin-baratzean
sagarrak kimetan.
Tentaziņoa orri
orlegi artean.
Ume nintzan goizean
gauzak argi ziran.
Begietan illuna
gero-azaldu zan.
Gizon-begi-goritu,
gizo-lertu-zale,
gizon-griņen-katigu,
gizon-miņez-bete...
Gizon...
Zeurekin noa
mugako porturantz,
gauzak argi dagozan
erri eskaturantz.
|