Itun

Aurraitz

 Lekuona'tar Imanol

 apaiz jaunari

 adiskidetasun-ezaugarritzat.

 Utsaren utsaz ustuta,

 uts-utsik daukak biotza.

 Mingostasunen arantza!

 odol dariztan gomuta.

 Gogaien zidor latzean

 urrunen zoruna babes...

 Baso-gentza dakust minez

 eun margoren kadenean

 Eresitxu bati iarrai

 munduaz aantzi-ta zoro,

 -iaretsi gaitzetan giro-

 ixilan daurkit sendagai.

 Maitasun-zaurietatik

 galdu ziran nere pozak...

 Min damaite orain gauzak

 zauriok irristaturik.

 Izadi-ikutuz ots dagin

 ioarea baino enaz;

 kantari nabil goiz ta arrats

 pozkida galduen zelain.