Otso

Mirande, Jon

 Bortz izar gori ortze-goian

 eta basoan ez argirik,

 aztiak dagoz ikharatan

 aztiaturik ikhur hori.

 Izar gorion pentagraman

 lo-hasman dautza bortz' izarrak.

 Baso-gerizan atzar dira

 otsoak eta gizotsoak.

 Oihan-bidean ergelen bat

 oihuz dihoa berantean,

 gizon soilari so zaizkio

 otso ixilak giza-begiz.

 Otso-ar eta -eme latzak,

 giza-blaphema bihotzean,

 gauazko bide-joilearen

 haiduru ziran, geldituak.

 Oihan beltzeko bidesketan

 ezin helduan zihoala

 esku eiharrez zuhain hilek

 bahitu dute galtzerako.

 Bortz oihuk eta bortz ausirik

 gizerhaiteka egin dute,

 bainan ortze-goi beltzagoan

 izar goriak itzal dira.