|
Deba'ko San Drokeak
Etxaniz, Nemesio
Au dek, au dek,
au dek umoria!
Utzi alde batera
euskaldun-jendia.
Kalean gora, kalean bera,
kalean gora zezenak;
Kalean gora, kalean bera,
eta moskorrak errenak.
Au dek, au dek,
au dek gau luzia!
Noiz amaituko ote dek
gure egarria?
Kalean gora, kalean bera...
Au dek, au dek,
au dek moskorren legia:
ardoaren laiņotan
lausotu begia.
Kalean gora, kalean bera...
Au dek, au dek,
au dek loguria!
Edaten pasa degu
bartko gau guzia.
Kalean gora, kalean bera...
Au dek, au dek,
San Droke guria!
Diruak gastatuta
patrikan aizia.
Kalean gora, kalean bera...
Au dek, au dek,
astelen tristia!
Lanerako gogorik
ezin ekarria.
Kalean gora, kalean bera...
Au dek, au dek,
au dek kaskarreko miņa!
Utzi dezagun azkar
edateko griņa.
Kalean gora, kalean bera,
orain asarre andrea;
Kalean gora, kalean bera,
ta aste guziko gosea.
|
