Bizia maite-irria

Lekuona, Manuel

 I

 Ioan da Negu:

 iaio da lore

 -txuri ta gorri bait-da kolore-;

 txorien kanta asirik degu...

 ioan da Negu.

 Etorria da

 Udaberria

 illikan zegon Izadiaren bizigarria,

 Iaunak zerutik lurrari opa dion irria.

 -Udaberria-

 or etorria...

 II

 Maite:

 leiora zaite

 ikus zaitzadan,

 nere lorea, nere txoria,

 Iainkoak neri opa irria.

 Maite,

 nere usoa:

 akit leiora,

 gero atera

 ta, gero, ondora...

 Atorkit laister aldamenera,

 biok batera

 dezagun kanta

 bizitzearen kanta eztia,

 loratu dedin gugan bizia.

 III

 Ioan zan Negu;

 ioan zan baita Udaberria.

 Len irri-murritz Egun-sentia;

 gaur irri-bete,

 goi zabalean

 -diztizaria-

 Iaun Eguzkia.

 Udaberriko sagar-lorea,

 Uztan alea

 -muxua gorri, ori-berdea-.

 Alaxe nere, orduko maite, gaur emaztea.

 Len bera lore;

 orain, besoan lora-kumea,

 bioen seme maite-maitea.

 ..........................................

 Zoragorria!

 Amaren ale, aita berria...

 Au da bizia:

 Iaunak zerutik

 opa oi digun

 maite-irria.

 1953