Ario makurra
Arrese, Emeterio
Mundutar denoi orrenbeste latz,
ixtillu ta kezka larri
zer dala bide sortzen zaizkigun
ez degu nunbait ikasi.
Egiņalean Ama Gentzaren
deya karraxika dari,
gu berriz gero t'areago zail,
entzungor eta liskarti.
"Ni on, i gaizto", auzi orretan
bata bestearen griņa
biziro zorrotz darabilgu-ta
azkenerako jakiņa:
aserre, oyes, irain, gorroto,
elkar ikusi eziņa...
Beste kukuak joko liguke
gizonak gizon bagiņa.
Aburu onik besterentzat ez,
auzoko baratzak usai
txarra; gureak susne gozoa:
Gezurra egiz jantzi nai.
Esamesa ta zakarkeriya
eguneroko jardun-gai;
oartzen ez guk lei ori danik
geon buruaren etsai.
Aņen ots gure barren-bolu'ko
matillak, eraingi latza,
ario gaiztoz okertu zaigu
zuzen-gorako ardatza.
Maizter sumiņa barren-boluan,
errotari txar, zikoitza,
biotz-iriņik ez alegiya,
baizik aņoaren beltza.
Ilko, geranik oartu nai ez,
txarkeriz minduta gaude,
burtzoro gera, lezetar itxu,
geon kaltez ain abere.
"Amaya laster..." Egi au maita
bagendu..., egiz aiskide,
gure artean jazarraldirik
ezautuko ez litzake.
Naiz aundizki naiz txiker, guziok,
begira zagun "gerora",
Munduko bizitz ezberdiņaren
mallarik ez dan altzora.
Olerkari zar ospetsu baten
izkun au orain gogora:
"ibai, erreka, aundi ta txiki,
ur guziok itxasora".
Oarketak
Arrese, Emeterio
Bein eta berriz biziro
leikor esaten didate:
"gaizki abil, oso gaizki
ain bakar. Ez el dek gure
billera goxoa maite?;
ez al gaituk adizkide?".
Galdera oiek, jum... usai
leunegia dariote.
Beraz erantzunik onen
zalantza-ziņu orixe.
Gizon burutsu batek au
esan zidan bein-batean:
"Aizazu, gezurrez ari
geran aldi bakoitzean
punpullu bat aterako
balitzaigu kopetean,
aitortzen det, asko xamar
izain lirake nerean,
baņa bai ugari, zenbat
punpullu besterenean!".
Orrela gezur-punpulluz
nabaro baldin bageunde
talkalari amorratu
zallak izango giņake,
elkarren etsai jo ta jo,
atsedenik ez beņere.
Baņa naiz gezur-zulo izan
naiz bentsu, egi esale,
mundu'tar geranok zenbat
ixtillu ta buruauste...
Bakartasunaren deyak
mendira pozik narama,
an arki baitet pakezko
egoite bigun laztana,
kezka ta miņ-erre guzik
baretutzen dizkidana.
Antxe lilluraz, gozaro...,
an arin zait urte-zama.
Biotz-biotzez maita det
mendiko ixillaren ama.