Mutiko txiroa

Sagarzazu, Claudio

 Ortzea

 Berundun,

 Euzkirik ez, dana illun...

 Uri, zelai, mendiak,

 Elurraz, txit zuriak...

 Ta aizeak

 Gaur nai du

 Arantzak lez zulatu...

 Ain da ba

 Zorrotza

 Ipar-aize txit otza!...

 Mutil bat

 Txiroa,

 Otzez dar-dar gaxoa!

 Orra-oñuts-gorrian

 Elurraren gañean,

 Gaur ere

 Txaidean,

 Aterik-ate eskean...

 Mutiko

 Txiroa,

 Otzez dar-dar gaxoa!

 Mutiko

 Maitea,

 Zuk gaur dezun gosea...

 Ta zu gaizki ikusita

 Nik artzen detan miña...

 Atozkit

 Txiroa,

 Tori, yaki beroa...

 Mutiko

 Maitea,

 Zuk gaur dezun gosea!

 ***

 Txakur bat

 Zikiña,

 Bai-dala gauza iguiña...

 Baña orra maiean,

 Aberatzan etxean,

 Gauz onak

 Bazkaltzen,

 Nai aña esne edaten...

 Txakur bat

 Zikiña

 Bai-dala gauza iguiña!...

 Negu txar

 Beltzean,

 Kistar bat ia illean...

 Orra-oñuts-gorrian

 Elurraren gañean...

 Ta txakur

 Bat ongi,

 Bero-bero ederki,

 Mai eder

 Onean,

 Aberatzan etxean...

 ***

 Goiko Yaun

 Txit ona,

 Atoz arin gugana...

 Poztu zazu txiroa,

 Zoriondu gaxoa...

 Gaur emen

 Lurrean,

 Aberatzen artean,

 Ez dago

 Biotzik

 Ez dago maitasunik...

 ..................

 Ortzea

 Berundun.

 Euzkirik ez, dana illun,..

 Uri, zelai, mendiak.

 Elurraz, txit zuriak...

 Oroitu

 Gaitezen,

 Tu-errukitu arrea!

 Gaur, asi

 Gaitezen

 Txiro gaxoa alaitzen...