Itsasoa

Gesalaga

 Zer ote du itsasoak,

 guk zuzentzeko pausoak,

 bera begira konpontzen ditut

 sarri arazoak,

 luzeak ditu besoak,

 ezin kendu bere soak,

 zeren ondoan jaioak

 gara beraren presoak.

 Jo badu eguzki printzak,

 ditu islada anitzak,

 baina aldatu ezkero

 hori jartzen dira hitsak,

 ekaitz baga eta bitsak,

 horrek ez ditu murritzak,

 eta bagetan eraman ditu

 askoren bizitzak.

 Itsas bare atsegina,

 zeru urdinez egina,

 andera baten parekoa da

 maitale bagina,

 ludi honen erregina,

 errespetu denen dina,

 bere barnetik bizitza sortu

 duen emagina.

 Gure andere galaia,

 iz beti da alaia,

 jendetza bertan bildu ezkero

 egiten du jaia,

 hondartza, haitz, eta kaia,

 ugarte edo talaia,

 beti presta dago laket dakion

 edonori nahia.