|
Aitona
Usarraga-zar
Bizkarra kakotua
azal danak zimur,
txapela erantzita
zaude buru makur.
Suaren epelean
neguaren beldur,
orain larogei urte
izan ziņana aur,
bizitzaren arratsa
ospatzen dezu gaur.
Aitona poztu zaitez
ez egon zalantzan,
zu bezela Euskaldun
nai nuke izan.
Aurkeztu ipui goxo
kontu batzuk esan,
lagun, murgildu nadin
bertsozko baratzan,
zure ta nere erriak
ontan iraun dezan.
Zure enporretikan
jaurti dan ezpala,
nik oiukatuko det
Euskadi badela.
Maite det ikurriņa
maite det euskera,
maiteko det erri au
aitonak bezela,
jaso zazu burua
ta jantzi txapela.
|
