Urte joankorrak

Miguel de Unamuno

euskaratzailea: Muniategi-tar Sabin

 Argizai txikizko errezkada antzera

 geroko egunak burua jasotzen dabe

 gure aurrean sugar-biziz, legun ta eme

 dirdiratuz argizai biztuen errekera.

 Joandako egunak gugaz gelditzen dira,

 itzalitako argizai errezkada ituna;

 urrenenkoak ketan, oraindik, buruzbera,

 urturik ta makurtuta, otz, otz beren guna.

 Zertako begiratu? Nun da lengo dizdira?

 Oroitzapen orreik damoskue miñ etsia

 ta, ni, ba-noa, aurreko aldean argizaia

 biztuta dagon errezkada orri begira...

 Ez dot ez ikusi nai zelan geitzera doan

 itzalien argizai-errezkada errea

 zelan doazen etenbako betiko joanean

 noizbeinka ona izanarren begiratzea.

                                                       (Poesías Escogidas'tik)