Oldoztu neban
Muniategi-tar Sabin
Lur sakon
emankorretan
oldoztu neban
nik
aize bare ongarrietan
edergarri ta begiko
diran bizidun gauzetan
maitetasun barrutiko
laztan gozo samurretan
oldoztu neban
nik
udabarriko usain on
ikuspegi orlegietan
ta baita zure begietan
oldoztu neban benetan
nik
zenbat lan oldozgarri ta eder dagon
orri txiki bakar baten egituran
bizi-ezkutu sakonezko zenbat lan
oldoztu neban
nik
Ta oldoztu neban bai oldoz neikela
ta amets egin, gai izan nintzakela
ta oldoztu neban bizitza au zala
asi ta azkortzea
ta aurrera joatea.
Baņa esan dauskuenean ez
ta agintzen dauskuenean ez
ta ondatzen gaituenean ez
orain eztakit ez
eztot oldoztutzen
nik.
