Umezurtzaren musua
A. Zubikarai
Zabal, zabal, zabala da itxasua,
sakon, sakon, sakona bere ondua.
Ta itxasoaren gaiņean
gangar eta arin,
zoro ta sorgin
itxas aizea,
gure kidea.
Ta itxasoaren onduan
orru ta orru,
zurru ta murru,
itxas indarra,
bits ta aparra.
Ta itxasoaren erdian
bilin bolonka,
kulun kulunka,
aita gaixoa
bertan ittoa.
Oi itxasoa,
ur ta laiņoa!
Ba daukat zutzat
musu beroa!
Amaren miņez
laiņoz batea,
semien malkoz
urez asea.
Oi itxasoa,
ur ta laiņoa!
Tori, aitantzat
nire musua.
Zabal, zabal, zabala da itxasua,
ez al da bertan galduko nire musua?
|