Asken arnasen ondoan
Aurraitz
Zer ardura da mendi-mendian il arren
Oņazezko eguzki-sarrera gorrian:
—Maitasuna odoletan ezo,
Gezi zorrotzaz bularra zulo
Azkatasun-bideren unerik latzenan
Orbange, aratz, izanezkero biotza!
Tamal-tamal egoan mendien gau-ertza.
Azken-arnasen erosta, samin gogoan:
—Txede baten itxaropenean,
Arantzaz atsekabe, pikea.
Negar-malko gardenenak zaurien laztan
Otoitz-ganean ixilaren atsedena.
Goi-laztan aizearen ikutu biguna.
Zeruen garbia bioen itxaroa:
—Erruen itzala garbai inguru,
Oņazea gentzan atsedendu.
Ene biotz-taupadak bakartasun itzal
Beliraun zear ixilaren besarkada.
Arima garbien atsedena poz izpi.
Ene aiskide mamin beti biotz-garbi!:
—Laztan artean egia atseden,
Oņaz-bidea nekien azken.
Tamaltasuna irudimenean zelai garbi...
Gogo baten zuria utsan egaztadarik.
