inprimatu
Gora, Itxarkundi-tarrak!
Izenburua:
Gora, Itxarkundi-tarrak!
Sinadura:
Agustin Beloki
Urkizaren iruzkina:
Egilea(k):
Beloki, Agustin

Argitalpena:
Olerti.
Urtea:
1982
Argitalpenaren urtea:
Alea:
1982
Orrialdea:
118-119

¡Gora! Itxarkundia-tarrak

 

Usagarra-zar

 

 Iturritikan ura bezela

 or dijuaz nere itzak,

 Aiton Amonai eskeiñi nairik

 merezitako goraltzak.

 Zuen bearra badu oraindik

 Euskalerriko baratzak,

 zuek zerate beste lur gozo

 arbaso zarren emaitzak,

 erri zar oni itzal da babes

 dariozuten zuaitzak.

 

 Zugaizti ontan falta diranak

 guda txarrak ebatsiak,

 berak ain maite zuten mendian

 obiratu ta utziak.

 Erria maite izatearen

 orra ondoren tristiak,

 jakin, gogoan zaituztegula

 biotz osoz onetsiak,

 zuentzat gaurko gure zorion

 eta aipamen guziak.

 

 «Gudari», zure emazteari

 deitu nai nioket «ama»,

 bera da lotzen gaitun lokarri

 bera da euskal anima.

 Guda zitalan iturritikan

 ozpin garratza erana,

 naigabe askon gorde lekua

 negar ixillen laguna,

 zuri lagunduz bera da nire

 gudari egin nauna.

 

 Bermeotikan Urkiolaruntz

 Sabi-gaiñ eta Artxanda,

 or gelditzen da zuen odolez

 landu zenduten galtzada.

 Erri txiki bat aundi izatea

 danok dakigu zailla da,

 bañan askea izan daiteke

 bere naia ala bada,

 ontan euskaldun jokabidea

 zoragarria ez al da?

 

 Agur aitonak ondo igaro

 bizitzan arratsaldia,

 au da, gu jarraikide geranok

 opa deikegun saria.

 Gu ez bagera iristen baldin

 askatasun ataria,

 ez ikaratu, iritxiko da

 urrengo belaun-aldia,

 Gora euskera, Gora Euskadi

 TA gora ltxarkundia.

 

 


inprimatu