Egun argitzen

Muniategi'tar Sabin

 Txintada otsez egun argitzen

 ari da-ta, eguzkiaz batera,

 txoriek egal batik bestera

 dabiltz goizari poza emoten.

 Basoetako oiartzuna dator

 udaberritar berbizte alaiz;

 bizi-eragin itxaropenkor

 eta amesgarriak sortaraziz.

 Egun argitze eztikor onek

 bizi etorrera ederkorrez

 esan daikegu bai, obeagoak

 egiten gaitula alabearrez.

 Maitezko erantzukizuna da

 Loreillak dakarrena goibidez,

 aurrera kementsu iarraitzeko

 egun barrien bizitasunez.