|
Barri onarena
Muniategi'tar Sabin
Barri onaren zantzoa da bai
Iaiotza baten oiartzunez
ta, ingurua jorantsu, alai,
oi dan ongura, poztasunez.
Kanta ta dantza Gabon gauez
munduari berea emonik
baiņa, ez aztu itsurik
aldameneko miņ oņazez.
Ez aztu ez estu ta larri
bizi dan zeure senidea,
ez aztu ez zeure kidea
ainbat biziera negargarri!
Benetako gogo kemenez,
indarturik bakearen sua,
zabaldu, iriki bai biotza,
munduaren asarre gaiņez.
Benetako maitetasunez
lagun urkoratuz eskua,
urturik gauaren izotza
egitazko berotasunez...
Izan anaiaren anaia
gizartearen onuragarri;
izan lurraren aitzur, laia,
gure Aberriaren eusgarri.
Izan ezti, ta aberaska,
erlontzi aberats sakona;
gogo argiko usin, aska,
geroaren gozamen eder, ona.
Euskelgintzazko lanean
ekin erlearen ekiņez,
billakuntza etengabean
bizi-ametsik ederrenez.
|
